يوم امطرت السماء نشوف

في واحده من القرى عاش ابن اهبل مع امه وبيوم من الايام قلتله امه :اسمع ياابني معافيش معانا ولانفتات داخل البيت نأكله ..........مافيش مخرج غير انك تشل الثور معاك وتسرح السوق تبيعه
كما هاااااااا اوبه ليضحكوا عليك الناس ويغالطوك بقيمته وتبيعه برخص التراب ...كما ها اوقع حريف مثل الناس
بكر الابن اليوم الثاني الصبح شل الثور وراح السوق يدل به على الناس...جلس على الحال اذا اسبوع شاف مافيش فائده كل يوم وهو يسير ويرد ,يرد ويسير
وبيوم وهو مروح من السوق قده ضابح شقرح حالة امه حاله من السراح والرواح ...حصل بطريقه حنش كبير واقف بسوم النكب ...
قال الابن للحنش :تشتري مني اذا الثور ؟
حرك الحنش راسه .فهم الابن من حركات الحنش انه موافق ...قال للحنش هيا شل الثوروربختنا منه ...وانا شاجي باكر واشل قيمته منك ..
روح الابن يجري من الفرحه لعند امه خلاص قا حصل بيعه للثور ....عمل لمن وصل البيت وهومقشنن من الفرحه يضحك ويتكركر ....قال لامه هيا اربخي ذانا قابعتوا الثور ياامه ..
قلتله هيا سترك جبرك قوى عظامك صح ابدانك....اتخبرته امه :لكن ماقلتليش لمن بعته ؟؟....قاله بعتوا للحنش ....قلتله :كيف كيف مو تخبر يابن ؟؟؟قله مثل ماسمعتي كل يوم وانا بالسوق ادل بالثور محد قالي مصلك واليوم يالله اننا حصلتوا الحنش يشتروا مني
قلتوا له تشتري اذا الثور مني ؟؟ قالي ايه ....قلتله وكيف افتهملك انه موافق ؟؟؟
قله مو تحسبينا اهبل حرك راسه وانا فهمتوا انه موافق ...وعاده زاد افتهملي اننا ارجع باكر للبياس
الا والام طار عقله تصيح وتشغب وتدعي له قصف الله عميرك عجل بزوالك ضيعت الثور...هو اكا الي تركن على ابن اهبل
المهم عمل لليوم الثاني سرح الابن للمكان المحدد الذي لقى فيبه الحنش ...لقوا جالس ببقعته سوم النكب ....قاله ياحنش ياحنش اين قيمة الثور ؟؟؟هذيك الساع شل الحنش نفسه هرب جهة الجبل الا والابن لحقه عمل بعده مكراد ...دخل الحنش بواحد من شقوق الجبل قام الابن يحفر داخل الشق سع المجنون قو مفجوع بحال مو شتقله امه....
بينما وهو يحفر مسك بيده حاجه قوي ...قام وخرجه طلع له كنز كله ذهب وجواهر
قام شل الكنز وروحه لامه ...قص لامه السماءه الي حصلت معه ومع الحنش ...
اذيك الساع افتجعت الام على الكنز من الناس فكرت بينه وبين نفسه كيف تبعد عيون الناس عن الكنز ....وهي داري انه ابنه اهبل شيقوم يسامئ الناس عن اللقيه حقهم ...
اخيرآ اهتدت لخطه قامت تسوي عدة مطائب من النشوف وقامت تسكبها من السجاره حق سقف المطبخ وابه جالس يشارحه مو تعمل ...وكان المنظر كان السماء تمطر نشوف ...قامت تسامئ ابنه اذا سالك الناس ايحين حصلتم الكنز قلهم يوم ماامطرت السماء نشوف

وكان كل مايخرج الابن يصيح فرح مادريتمش ماعلمتمش لقينه لقيه ...لقينا كنز والناس يسالوه شجن ايحين لقيتموه ؟؟
يقلهم لقينا الكنز يوم ماامطرت السماء نشوف

أنا حوميس اللهجة البلدي
نفتات
كما هااااااااااااا اوبه

أأأأأأأأأأأأيش معنى النشووووووووووف بس ؟؟؟؟؟؟؟؟؟؟؟

حياك الله أخ غازي هزاع

النشوف هي أكله شعبية مشهورة في مناطق اليمن وتختلف طريقتها من منطقة لأخرى